لماذا يعشق المصريون الوظائف الحكوميه

برجاء المساعده فى اجابه هذا السؤال لأنى مش عارف الاقى اجابه لما الموظفين مش لاقيين ياكلوا ليه حريصين جدا على توظيف اولادهم فى نفس جهات عملهم و لما الموظف مش عارف يعيش ب 500 جنيه فى الشهر هل 100 جنيه زياده هايكفوه و لما الموظف اللى بياخد 500 جنيه ايجار شقته 450 جنيه يبقى الموظف ده مرتشى و الا ربنا بيطرح البركه فى باقى المرتب ؟؟؟؟؟؟؟؟؟؟؟؟؟؟؟؟؟
اسئله ارجو المساعده فى اجابتها
و شكرا

فى ظل الظروف الصعبة اللى احنا فيها كل واحد بيحاول يرمى نفسه فى وظيفة ميرى على راى المثل القديم ان فاتك الميرى اتمرمغ فى ترابه . يقولك لما اكبر واطلع معاش اهو يبقا فى معاش للاولاد وطبعا انا وانتا عارفين ان موظف الحكومة مش بيعمل حاجة دلوقتى يروح ينام فى الشغل على شان بيشتغل بالليل فى مكان تانى .
وطبعا الناس بتهرب من القطاع الخاص لانه اشبه بالسخرة بيموتك بالقرش اللى بتاخده منه .
طب والحل ايه ..................................نفسى حد يجاوبنى ويقولى حل يشفى صدرى .

وملحوظة اخى ....المرتب فى الحكومة لو انتا مؤهل عالى 150 جنيه ده الاساسى فى اول تعيينك يعنى يادوب تشرب بيهم شاى فى الشغل.

ال ان فاتك الميرى اتمرمغ فى ترابه ال

طيب لما المرتب مش بيكفى ليه بيموتوا نفسهم على الشغل فى الحكومه برضوا لسه مش فاهم السبب................. انا باكره موظفين الحكومه لأنهم السبب فى الخراب اللى البلد فيه.... هو صحيح مرتباتهم قليله لكنها فلوس بتندفع بدون وجه حق و مجملها بيكون كبير لناس شبه عاطله و لو اشتغلوا بيشتغلوا غلط و مرتشين و حراميه و لصوص و ده سبب خراب البلد .